Қазақстанда қытай кәсіпорындарын салуға қарсы өтіп жатқан митингтерге қатысты Қазақстан Республикасындағы ҚХР елшісі Чжан Сяо пікір білдірді, деп хабарлайды Zakon.kz Almaty.tv-ге сілтеме жасап.
Қытай дипломаты наразылық білдірушілер текке үрейленіп, босқа күдіктенеді деп санайды. Оның сөзіне қарағанда, екі мемлекет басшыларының кездесуі қарсаңында болған бұл наразылықтар осы маңызды оқиғаға бағытталған арандатушылық іспетті.
- Наразылық білдірушілердің артында Қытайға және біздің екіжақты қарым-қатынасымыздың дамуына селкеу түсіруді мақсат ететін қандай да бір күштер тұр деп болжанады. Солар араға от салу үшін жергілікті халықтың көңіл-күйін бұзып, наразылыққа итермелеуде деп топшылаймыз. Бары осы, басқа түк емес. Мен айтар едім, олардың бұл әрекетінен түк шықпайды, өйткені ол геосаяси теріс пиғылды мүдделерден туындауда, - деді Қазақстан Республикасындағы ҚХР елшісі Чжан Сяо.
Оқи отырыңыз: "Қытайлар қаптайды" деп шулағандарға министрлік егжей-тегжейлі түсініктеме берді
Тағы да: Қытай келмесін. Жаңаөзенде ірі митинг өтіп жатыр
