Бөкетов атындағы Қарағанды мемлекеттік университетінің ректорына пара берді деген күдік түсті, деп хабарлайды Zakon.kz Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
Агенттік Бөкетов атындағы Қарағанды мемлекеттік университетінің ректорына қатысты сотқа дейінгі тергеу бастады.
"Ол ғылыми жобаларды қаржыландыру мәселесін оң шешуі үшін және жалпы өзіне оң қабақ танытуы үшін ҚР БҒМ "Ғылым қоры" АҚ Басқарма төрағасына 5 мың АҚШ доллары көлемінде пара берді деп күдіктелуде", - делінген хабарламада.
Бұрын хабарланғандай, "Ғылым қоры" АҚ басқарма төрағасының пара алғаны бойынша тергеу жалғасуда.
Күдіктілерге қатысты соңғы үкімді олардың кінәсінің дәрежесін анықтай отырып, сот шығарады.