Синоптиктер алдағы үш күнге арналған ауа-райы болжамын жариялап, еліміздің кейбір өңірінде қар жауу ықтималдылығын ескертті, деп хабарлайды Zakon.kz Қазгидрометке сілтеме жасап.
"Алдағы үш күнде еліміздің бес өңірінде күн күрт суытады. Қазақстанның батысы мен солтүстігінде, шығысында, оңтүстік шығыста және республикамыздың орталығында алдағы үш күнде ауа температурасы күрт төмендеп, үсік жүреді. Сонымен бірге, Ресейден ығысып келген суық ауа Ақтөбе облысынан өзге өңірлерге жылжымақ. Соның әсерінен республикамыздың басым бөлігінде жауын-шашын болады. Қатты жел тұрып, солтүстік облыстарда жаңбыр қыпылық қарға ауысады. Егер өткен үш тәулікте ауа температурасы оңтүстікте, орталық пен шығыста қалыпты нормадан 3…6°С жоғары болса, сенбі күні нормаға жақындайды. Ал жексенбі күні барлық өңірлерде ауа температурасы нормадан 3…8°С төмен болад", делінеді синоптиктердің болжамында.