Мемлекет басшысы Қасым-Жомарт Тоқаев Жак Ширактың қайтыс болуына байланысты Франция халқына көңіл айтты, деп хабарлайды Zakon.kz.
"Францияның бұрынғы президенті Жак Ширактың қаза болғаны туралы хабарды терең күйзеліспен қабылдадым. Ол елдеріміз арасындағы ынтымақтастықтың нығаюына елеулі үлес қосқан көрнекті саясаткер ретінде жадымызда сақталады. Президент Эмманюэл Макрон мен барша француз халқына қайғыра отырып, көңіл айтамыз", – деп жазды ҚР Президенті Твиттердегі парақшасында.
