ҚР Үкімет басшысының сайтында ҚР Үкіметінің 2020 жылғы демалыс күндерін ауыстыру туралы Қаулысы жраияланды, деп хабарлайды Zakon.kz.
ҚР Үкіметінің қаулысымен ҚР Еңбек кодексінің 85-бабының 3-тармағына сәйкес және жұмыс уақытын ұтымды пайдалану мақсатында 2020 жылы демалыс күндерін ауыстыру кестесі бекітілді.
"Мына демалыс күндері:
- 2020 жылдың 5 қаңтары - жексенбі күні 2020 жылғы 3 қаңтарға, яғни жұмаға;
- 2020 жылдың 11 мамыры – дүйсенбісі 2020 жылдың 8 мамырына, яғни өткен жұмаға;
- 2020 жылдың 20 желтоқсаны – жексенбі күні 2020 жылғы 18 желтоқсанға, яғни өткен жұмаға ауыстырылсын", - делінген Қаулы мәтінінде.
Бұл Қаулы алғашқы ресми жарияланған күннен кейін он күнтізбе күні өткен соң қолданысқа енгізіледі.