Қазақстанда қыс басталып, синоптиктер күннің күрт суытқанын жариялады, деп хабарлайды Zakon.kz.
ҚР ІІМ Төтенше жағдайлар комитетінің хабарлауынша, 19-21 қараша аралығында Қостанай және Солтүстік Қазақстан облыстарында ауа температурасының күрт төмендеуі болжанады: түнде сынап бағанасы 20-25 градустан 25-30 градусқа дейін төмендейді.
- Ақмола, Павлодар облыстарында 15-20-дан 25-30 градусқа дейін аяз болады. 20-нан 21-ші қарашаға қараған түні Қарағанды облысында 22-ден 33 градусқа дейін аяз болады. Шығыс Қазақстан облысында 18-23, кей жерлерде 25-33 градусқа дейін күн қатты суытады. Ұйтқып, боран соғу ықтималдылығы 95% құрайды.
19 қарашада Нұр Сұлтан қаласында қар жауады, боран болады. Солтүстік-батыстан соғатын жел солтүстік-шығыстан секундына 15-18 метр жылдамдықпен ұйытқиды, - дейді төтеншеліктер.
ҚР ІІМ Төтенше жағдайлар комитеті азаматтарға ауа-райы туралы мәліметтер мен SMS-хабарламаларды қарап отыруды қатаң түрде ескертеді. Ауа-райының нашарлауы және көлік құралдары қозғалысының шектелуі кезінде ұзақ сапарға шықпауға кеңес береді.
- Егер боран күні немесе қатты аязда жолға шығып, көлігіңіз ауылдан жырақта немесе бейтаныс жерде тұрып қалса, онда көлікте қалып, ұялы телефоннан 112 телефонына хабарласқан жөн. Сондай-ақ, ауылды жерлерде тұратын адамдарға ауа-райының нашарлауы кезінде ұзақ жолға шығуына тыйым салынады. 112 - бұл елдің барлық аймақтарында бар бірыңғай құтқару қызметінің нөмірі, оған хабарласу үшін SIM-картаның және телефонда ақшаның болуы міндетті емес, - делінген хабарламада.
