Демалыс күндері еліміздің басым бөлігінде түнде және таңертең тұман болады деп болжайды, деп хабарлайды zakon.kz Қазгидрометке сілтеме жасап.
"Демалыс күндері елімізге Сібірден антициклон ойысып келеді. Сондықтан республиканың көптеген аймағында температура орташа мөлшерден төмендеп, ауа-райы жауын-шашынсыз болады. Түнде және таңертеңгі уақытта тұман болып, 50-ден 500 метрге дейінгі жер көрінбей, жол қозғалысы кезінде қауіп туындауы ықтимал. Қазақстанның батысында, одан соң оңтүстігінде ғана, онда да дүйсенбі күні ауа-райы құбылып, жауын-шашын, көктайғақ болады деп күтіледі" делінген Қазгидрометтің алдағы үш күнге арналған ауа-райы болжамында.
