Әлеуметтік желілер мен мессенджерлер арқылы Түркістан облысы тұрғынының бірі құрбан болған асқан қатыгез қылмыс жасалды-мыс деп бейнеленген видео тарады, деп хабарлайды zakon.kz ТО ПД-нің баспасөз қызметіне сілтеме жасап.
Түркістан облысы Полиция департаменті бұл жайт облысқа қарасты ешбір полиция басқарма, бөлімшелерінде тіркелмегенін ресми мәлімдейді.
Яғни, бұл ақпарат шындыққа сәйкес емес.
Облыс полициясы азаматтарды әлеуметтік желілер мен мессенджерлерден алынған мәліметтерге сенбеуге, тек мемлекеттік органдардың ресми ақпаратына сүйенуге шақырады.
Сонымен қатар, жалған ақпарат таратқаны азаматтар ҚР ҚК-нің 274-бабы "Көрінеу жалған ақпарат тарату" бойынша қылмыстық жауапкершілікке тартылуы мүмкін екенін ескертеміз.
