28 желтоқсанда еліміздегі ең үлкен жалау аза тұту белгісі ретінде төменге түсірілді. Оның суретін Facebook-те Жарқын Түсіпбекұлы жариялады, деп хабарлайды zakon.kz.
Ең үлкен жалау Нұр-Сұлтан қаласының қақ ортасында орналасқан "Атамекен" этно-мемориалдық кешенінің аумағында орнатылған.
Нысан 2009 жылы ашылды. Жалаудың жалпы ауданы - 450 шаршы метр, салмағы - 90 келі. Тудың өлшемі 15-30 метрді құрайды және қала үстінен 111 метр биіктікте желбіреп тұрады. Көк жалау қаланың кез-келген жерінен көрінеді және Қазақстанның азаттығы мен тәуелсіздігінің нышаны іспетті.
Айта кетсек, Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады
