Ақордада Мемлекет басшысының Президенттік жас кадрлар резервінің өкілдерімен кездесуі өтуде, деп хабарлайды zakon.kz.
Президенттік резерв өкілдерін Қасым-Жомарт Тоқаев қошеметпен қарсы алды.
- Президенттік жас кадрлар резервін құру туралы бастама менің сайлауалды бағдарламамның негізгі бағыттарының бірі болды. Оның қазақстандықтардың жастар арасынан қолдау тапқанына қуаныштымын. Білімді, патриот, еңбекқор жастар – еліміздегі прогресті және тұрақты дамуды алға жылжытушы негізгі қозғаушы күш, - деді кездесу барысында Тоқаев.
Ол кадрлар резервіне өзінің жоғары кәсіби біліктілігін көрсетіп, мемлекет мүддесі үшін ынта-шынтасымен жұмыс істеуге деген ұмтылысын дәлелдей алғандар ғана өткенін баса атап өтті.
- Сіздерді Ақордаға еліміздегі өзекті мәселелерді талқылауға шақырдым. Пайдалы пікір алмасу болады деп сенемін, - деп атап өтті Қазақстан Президенті.
Алдында ҚР Мемлекеттік қызмет істері жөніндегі агенттіктің басшысы Анар Жайылғанова іріктеу нәтижелері бойынша Президенттік жас кадрлар резервіне 300-ден астам жас қазақстандықтар қабылданғанын айтқан.