Елордада екінші ауысымындағы 0-9 сынып оқушылары үшін сабақ болмайды, деп хабарлайды zakon.kz қалалық білім басқармасына сілтеме жасап.
"17.01.2020 жылы ауа-райының колайсыздығына байланысты қала мектептерінің екінші ауысымындағы 0-9 сынып оқушылары үшін сабақ болмайды", - делінген Нұр-Сұлтан қалалық білім басқармасы таратқан хабарламада.
Алдында ауа-райының нашарлауына байланысты Нұр-Сұлтан мектептерінде бірінші ауысымдағы 0-4 сынып оқушыларына сабақ тоқтатылғаны хабарланған.
Ұйытқыған боранның салдарынан айнала көрінбей, Қазақстанда 30-дан астам жол учаскелері жабылды.
Боранға байланысты Нұрсұлтан Назарбаев халықаралық әуежайында 14 рейс кешігіп жатыр.
