Америка Құрама Штаттарының Мемлекеттік хатшысы Майк Помпео ақпанның басында Қазақстанға келеді, деп хабарлайды zakon.kz Sputnik Қазақстанға сілтеме жасап.
ҚР Сыртқы істер министрі Мұхтар Тілеуберді журналистерге Помпеоның елімізге жоспарланған сапары 1-2 ақпанға белгіленгенін айтты.
Сапардың мақсаты мен талқыланатын мәселелер жайы, әзірге белгісіз.
АҚШ Мемлекеттік хатшысы Қазақстанға 5 қаңтарда келуді жоспарлаған. Ол Қасым-Жомарт Тоқаевпен кездесіп, саяси, экономикалық, мәдени-гуманитарлық ынтымақтастық мәселелерін талқылайтыны хабарланған. Бірақ 2 қаңтарда Помпео Ирактағы АҚШ елшілігінде болған тәртіпсіздіктерге байланысты бұл сапарын кейінге шегеруге мәжбүр болды.