Қазақстан Президенті Қасым-Жомарт Тоқаевтың Біріккен Араб Әмірліктеріне ресми сапарының екінші күніне шолу жасаған видео жарияланды, деп хабарлайды zakon.kz.
Оны ҚР Президентінің баспасөз хатшысы Берік Уәли Facebook-тегі парақшасында жариялады.
Айта кетсек, 27 қаңтарда Мемлекет басшысы Қасым-Жомарт Тоқаев Біріккен Араб Әмірліктеріне ресми сапармен барды.Онда ҚР Президенті Әбу-Дабидің мұрагер ханзадасы шейх Мұхаммед бен Заид Әл Нахаянмен кездесті. Сондай-ақ, Қасым-Жомарт Тоқаев Әбу-Дабидегі шейх Заид мешітіне барды. Президент БАӘ-нің ірі бизнес өкілімен кездесті.
Сонымен қатар, 28 қаңтарда Қасым-Жомарт Тоқаев Дубайда өтетін "EXPO-2020" көрмесіне дайындық барысымен танысты.