Сағат Мәдиев Шығыс Қазақстан облысы полиция департаментінің бастығы болып тағайындалды, деп хабарлайды zakon.kz Polisia.kz порталына сілтеме жасап.
"ҚР Президенті Әкімшілігі және Шығыс Қазақстан облысы әкімінің келісімі бойынша полиция полковнигі Сағат Мадиев Кентайұлы Шығыс Қазақстан облысы полиция департаментінің бастығы қызметіне тағайындалды", делінген хабарламада.
Полиция департаментінің жаңа басшысын ұжымға ҚР Ішкі істер министрі Ерлан Тұрғымбаев таныстырды.
Бұрынғы басшы Бақтыбаев Жанарбек Телібекұлы Маңғыстау облысы полиция департаментінің бастығы болып тағайындалды.
Сағат Мадиев 1969 жылы туған. 1990 жылдан бастап ішкі істер органдарында жұмыс істейді. Ақмола, Қызылорда және Батыс Қазақстан облыстарының полиция бөлімдерінде басшылық қызметтерде болған, үлкен тәжірибеге ие. 2017 жылдың наурыз айынан бастап ҚР ІІМ Криминалдық полиция департаменті бастығының орынбасары қызметін атқарған.