Белгілі мемлекет және қоғам қайраткері Әлихан Тойбаевтың жары Нұржамал Чадаева 73 жасында дүниеден озды, деп хабарлайды zakon.kz.
Нұржамал Чадаева 1947 жылы 2 ақпанда Талғар қаласында дүниеге келді. Сәкен Сейфуллин атындағы орта мектепті тәмамдағаннан кейін ол Қыздар педагогикалық институтының филология факультетіне оқуға түсті. Оның бүкіл еңбек жолы мен ғұмыры ұстаздық етуге арналды. Әр жылдары Чадаева Нарынқол, Жаңаталап, Горный садовод ауылдарының мектептерінде, сондай-ақ Талғар қаласында жұмыс істеді.
Әлихан Әбдіханұлымен отасқан 39 жыл ішінде төрт бала тәрбиелеп өсірді.
Марқұмның жерлеу рәсімі Талғар ауданы, Туғанбай ауылында 15 ақпанда сағат 11: 00-де өтеді.
