Үшарал қаласында жедел ақпаратты тексеру барысында полицейлер дүкендердің бірінен қызметіне тыйым салынған ойын автоматтарын анықтады, деп хабарлайды zakon.kz Алматы облысы ПД баспасөз қызметіне сілтеме жасап.
Қазіргі уақытта ҚР Қылмыстық кодексінің 307-бабының 1-тармағына сәйкес яғни, "Заңсыз ойын бизнесін ұйымдастыру" дерегі бойынша сотқа дейінгі тергеу амалдары басталды", - деп хабарлайды Алматы облысы ПД баспасөз қызметі.
Тергеу барысында заңсыз ойын бизнесін ұйымдастырды деген күдікке ілінген тұлғаның Талдықорған қаласының 39 жастағы тұрғыны екені анықталды. Күдіктіден үш ойын автоматы тәркіленді.
Айып тағылған азаматшаның бұған дейін де осыған ұқсас заңға қайшы әрекет еткені үшін жауапкершілікке тартылы белгілі болды. Бұған дейін күдікті букмекерлік кеңсені заңсыз ашқан, дегенмен қылмыстық іс сот шешімімен қысқартылған.
Күдікті азаматша мекенжайын өзгертпеу туралы міндеттемемен босатылды.