Қазақстан Республикасы Бас Прокурорының өкімімен Сарпеков Мәди Набиұлы Батыс Қазақстан облысы прокурорының орынбасары болып тағайындалды, деп хабарлайды zakon.kz.
Мәди Сарпеков 1979 жылы туған. Прокуратура органында 2000 жылдан бастап үздіксіз жұмыс істеп келеді.
2000-2002 жылдары Астана қаласы Сарыарқа ауданы прокурорының көмекшісі, Астана қаласының прокуратурасында жұмыс істеді.
2002-2005 жылдары Бас прокуратурада түрлі лауазымдарда, Бас прокурордың орынбасарының көмекшісі және Бас прокурордың көмекшісі болып жұмыс істеді.
2005-2017 жылдары Алматы облысы Кербұлақ, Райымбек, Іле аудандарының прокуроры болды.
2017 жылдан 2020 жылға дейін Алматы облысы прокуратурасы басқармасының бастығы болып жұмыс істеді.
Ведомстволық наградалармен марапатталған. Үйленген, 4 баласы бар.
