Тауарлар мен қызметтердің сапасы мен қауіпсіздігін бақылау комитетінің басшысы Людмила Бюрабекова Қазақстанда коронавирус ауруы фактілерін жасыруға болатын-болмайтынына қатысты түсініктеме берді, деп хабарлайды zakon.kz.
Бурабековаға көптеген адамдарды толғандыратын сұрақ қойылды: бұл факт коронавируспен ауыратын адамнан жасырылып, оны, мысалы, тұмауға қарсы емдеуге бола ма?
Аурудың өзі адам жасына қарай жеңіл формалардан бастап, ауыр асқынған түріне дейін дамиды. Мұны жасыру мүмкін емес. Мысалы, қазірдің өзінде жапон кемесінде карантинге түскен жолаушылар телефон арқылы жан-жағымен сөйлесіп, әлеуметтік желілер, Интернет арқылы бәрімен байланыста. Олар он-лайн режимде өзіне қатысты барлық ақпаратты туыстарына жолдап отырады. Ал науқастан оның нақты диагнозын жасыру мүмкін емес. Ақпараттық кеңістік толығымен ашық, - деп жауап берді ол.
Бюрабекова қазір коронавирус күдігімен оқшауланған кейбір азаматтар бар екенін айтты. Бірақ инфекция расталмады, дегенмен тұмаудың ауыр түрлері шықты. Қазір содан олар емделіп жатыр.
Коронавирусты емдеу басқа ауруларды емдеу тәсілінен айырмашылығы бар ма дегенге келетін болсақ, ол былай деді:
Жалпы, вирусқа қарсы терапия сияқты еш айырмашылығы жоқ, бірақ егер асқыну болса, онда Қытайда басқа да ауыр дәрілер қолданылды, біз де соны пайдаланатын боламыз. Бізде ол дәрі-дәрмектердің қоры бар, сатып алынып қойған.