Қазақстанда коронавирустық инфекцияның тағы екі дерегі тіркелді, деп хабарлайды zakon.kz.
Біреуі - Алматыда, екіншісі - Нұр-Сұлтанда.
"Коронавирустық инфекцияның тағы бір жағдайы Алматы қаласында анықталды. Ол 1958 жылғы ер адам, жеке кәсіпкер, 10 наурызда Мәскеуден Алматыға ұшып келген. Тағы бір науқас - әйел адам. Ол Варшавадан Нұр-Сұлтанға ұшып келген, деп хабарлады Денсаулық сақтау министрлігі.
Жалпы, бүгінде елімізде коронавирус бойынша 6 жағдай тіркелді.
13 наурызда Денсаулық сақтау министрлігі Германия мен Италиядан келген төрт адамнан коронавирус анықталғанын жариялады.