Елде төтенше жағдай енгізілуіне байланысты Үкімет пен Сенатта өтетін жиындарға қатысушылар санына шектеу қойылды, деп хабарлайды "Хабар 24".
"Өзгеріс бүгіннен бастап күшіне еніп, 15 сәуірге дейін жалғасады. Шектеу бұқаралық ақпарат құралдарына да қатысты. Енді Үкімет пен Сенат отырыстары аталған мекемелердің ресми сайттары мен әлеуметтік желідегі парақшалары арқылы тікелей эфирде көрсетіледі. Көрсетілім уақыты алдын ала хабарланады", делінген хабарламада.
Қазақстан Президенті Қасым-Жомарт Тоқаев Қазақстан Республикасында 16 наурыздан бастап коронавируске байланысты төтенше жағдай енгізді.