Алматыда коронавирустың тағы бір жағдайы анықталды, деп хабарлайды zakon.kz.
Ол - 1992 жылғы қыз. Бойжеткен 15 наурыз күні Ыстамбұл-Алматы рейсімен келген жолаушымен тығыз байланыста болған, - деді ҚР Денсаулық сақтау министрлігінің ресми өкілі Диас Ахметшәріп.
Қазір қыз ауруханада карантинге орналастырылды. Оның жағдайы қанағаттанарлық.
Бұған дейін 22 наурыз күні таңертең Нұр-Сұлтанда екі жаңа коронавирус дерегі тіркелген болатын.
Бүгінгі таңда елімізде коронавирус инфекциясының 57 жағдайы расталды. Оның ішінде 31-і - Нұр-Сұлтанда, 23-і - Алматыда, екеуі – Қарағандыда, біреуі - Алматы облысында.