7 сәуірде Нұрсұлтан Назарбаев пен ҚР Премьер-министрі Асқар Маминнің кездесуі өтті. Кездесуде Елбасы халыққа арналған мақаласы жарияланатынын айтты, деп хабарлайды zakon.kz.
Қазақстанның Тұңғыш Президентінің айтуынша, біз барлық қиындықтарды жеңеміз.
"Біз бұдан да қиын кезеңдерді бастан өткергенбіз. Біз бұл қиындықтарды да жеңеміз. Ең бастысы - халқымыздың бірлігі мен тыныштығы. Үкімет тиімді жұмыс істейді деп санаймын", - деді Елбасы.
Сонымен қатар, 8 сәуірде Елбасының Қазақстан халқына арналған мақаласы жарияланады.
"Ертең мен Қазақстан халқына арналған мақаламды жариялаймын. Қазір бүкіл әлем үшін қиын. Індет шыңын әлі игерген жоқ. Сондықтан біз бір-бірімізді құрметтей отырып, сабырлылық пен шыдамдылық танытуымыз керек", - деді Назарбаев.
