Қазақстанда коронавирус инфекциясынан 110 адам ауруханадан сауығып шықты, деп хабарлайды zakon.kz.
Жедел штабтағылар бүгінгі сағат 13: 50 уақыты бойынша, елімізде коронавирустан тағы 10 адам сауыққанын хабарлады: Нұр-Сұлтанда - 5, Атырау облысында - 3, Қызылорда облысында - 1, Маңғыстау облысында - 1. Жалпы, Қазақстанда жаңа вирустан емделіп кеткен адамдар саны - 110.
Нұр-Сұлтандағы 82 жастағы науқас коронавирустан емделген 100-ші адам ретінде тіркелді. Ол ауруханаға 22 наурызда түскен болатын.
Бүгін, 13 сәуірде, Қазақстанда коронавирус жұқтырғандардың 973 жағдайы тіркелді. Оның ішінде 110 адам емделіп шықты, 11 адам қайтыс болды.
