Алматыдағы Орталық қалалық клиникалық аурухананың бас дәрігері Алмаз Жувашев қызметінен босатылды, деп хабарлайды zakon.kz.
Бұл ақпаратты Алматы Қоғамдық денсаулық басқармасы растады.
Еске сала кетейік, Алматыда жаңадан анықталған коронавирус жұқтырудың 174 жағдайының басым бөлігі - медицина қызметкерлері.
13 сәуірде Алматыда 12-ші аурухана карантинге жабылды.
ҚР Денсаулық сақтау министрі Елжан Біртанов Алматының Орталық қалалық клиникалық ауруханасында коронавирус инфекциясының бұрқ етуіне байланысты жағдайды шешуді жауапты шенділерге тапсырды.
