Ақтөбе қаласы әкімінің бұрынғы орынбасары Жангелді Әубәкіров екі айға қамауға алынды, деп хабарлайды zakon.kz City04.kz-ке сілтеме жасап.
Хабарларға қарағанда, ол бюджет қаражатын аса ірі көлемде жымқырды деген күдікке ілініп отыр.
Ол қалалық тұрғын үй-коммуналдық шаруашылығының басшысымен бірге жұмыс істеген деген болжам бар.
Ақтөбе қаласы әкімінің тұрғын үй-коммуналдық шаруашылық жөніндегі орынбасары қызметінде Жангелді Әубәкіров небәрі 8 ай жұмыс істеген.
16 сәуірде Ақтөбе қаласының мамандандырылған тергеу соты екі айға, яғни 2020 жылдың 15 маусымына дейін қамауға санкция берді.
- Ол 189 баптың 2 б. 4-тармағында "Өзгенің сеніп тапсырылған мүлкін иемдену немесе ысырап ету" қарастырылған қылмыс жасады деп күдіктелуде, - делінген мамандандырылған тергеу сотының хабарламасында.
Жангелді Әубәкіров Ақтөбе қаласы әкімінің орынбасары қызметіне 2019 жылғы шілде айының соңында кірісті.
Ол айналысында миллиардтаған сомалар жүретін тұрғын үй-коммуналдық шаруашылығы саласын басқарды. Оның саласына көпірлер құрылысы, жолдарды жөндеу және салу, қаланы абаттандыру және жарықтандыру, тазарту сияқты жұмыстар кіреді.