Атырауда облыстық аурухананың медбикесі коронавирустан емделіп, жазылды, деп хабарлайды zakon.kz.
23 сәуірде Атырау облысында тағы екі науқас коронавирустан емделіп, ауруханадан жазылып шықты. Бұл - 37 жастағы облыстық аурухананың медбикесі және 18 жастағы ер адам. Екеуінде де КВИ бойынша қайтара алынған талдау сынағы теріс нәтиже көрсетті. Олар жұқпалы аурулар ауруханасынан шығарылды, деп хабарлады Шұғыл штабтағылар.
23 сәуірде сағат 13.00-де келтірілген мәліметтерге сәйкес, коронавирус инфекциясы диагнозымен 51 науқас жұқпалы аурулар ауруханасында, 16 адам ЖРВИ белгілері бар уақытша ауруханада, 103 адам жергілікті карантиндік ауруханада жатыр, ал 2843 адам өз үйінде оқшауланған
