Маусым айының басынан бастап қазақстандықтар жеке автокөлігімен қалалар мен аймақтар арасында жүре алады. Бұл туралы көліктегі бас мемлекеттік санитарлық дәрігер Сәдуақас Байғабылов айтты, деп хабарлайды zakon.kz.
Маусым айының басынан бастап блок-бекеттер алынып тасталады, сәйкесінше облыстар мен облыс орталықтары арасындағы автомобиль қатынасы да қалпына келтіріледі, бұл тұрғындарға теміржол немесе автобус қызметін пайдаланумен қатар, өз көлік құралдарын пайдалануға да мүмкіндік береді, - деді Байғабылов ОКҚ-дағы онлайн-брифинг барысында.
Бұған дейін ҚР Индустрия және инфрақұрылымды дамыту министрлігі Көлік комитеті төрағасының орынбасары Жәнібек Тайжанов 1 маусымнан бастап бүкіл Қазақстан бойынша блок-бекеттер алынып тасталатынын мәлімдеген еді.
