Атырау облысында коронавирустан осымен үшінші адам қайтыс болды, деп хабарлайды zakon.kz.
Құрманғазы ауданының 72 жастағы тұрғыны коронавирус инфекциясын жұқтырып, қайтыс болды, деп хабарлайды Атырау облысы әкімінің баспасөз қызметі.
Зейнеткер әйел - Құрманғазы ауданы, Ақкөл ауылының 1948 жылғы тұрғыны. Науқас екі өкпенің пневмониясымен Орталық аудандық аурухананың жұқпалы аурулар бөліміне жатқызылды. КВИ-ден бөлек онда артериалды гипертензия, тамыр генезі энцелопатиясының асқынған түрі, бауыр ауруы, созылмалы панкреатит сынды қосалқы дерті болған.
Науқас 4 маусымда анализ тапсырып, 6 маусымда онда КВИ диагнозы расталды.
Науқасты аудандықтан облыстық жұқпалы аурулар ауруханасына ауыстыруға дайындап жатқанда жағдайы күрт нашарлап кетті. Дәрігерлер реанимациялық шаралар жүргізді, бірақ ол нәтиже бермей, науқас қайтыс болды, деп хабарлады Атырау облысы әкімінің баспасөз қызметі.
7 маусымда Қазақстанда COVID-19 бойынша 3 кісі өлімі тіркелді.
Жалпы, Қазақстанда COVID-19-дан 56 адам қайтыс болды.
