Шымкент қаласының Кәсіпкерлер палатасында Шымкент қаласы әкімінің бірінші орынбасары Ербол Садыр, қалалық тауарлар мен қызметтердің сапасы мен қауіпсіздігін бақылау департаментінің басшысы Ә.Төлебаев, Шымкент қаласы кәсіпкерлер Палатасының директоры Нұрлан Қабиштаевтың қатысуымен өткен жиында тойхана, мейрамханалардың мәселесі талқыланды, деп хабарлайды Отырар.
Ербол Садыр, қала әкімінің орынбасары:
- Бүгінде қалада эпидемиологиялық жағдай күрделі. Сондықтан карантиндік режим аяқталғанша тойханалардың қызметін бастауға рұқсат берілмейді. Егер 22 маусымнан кейін санитарлық-эпидемиологиялық жағдай тұрақталса, тойханаларды ашуға байланысты жеңілдіктерді қарастырамыз.
