Алматыда Халыққа қызмет көрсету орталықтарының жұмыс кестесіне уақытша өзгерту енгізілді, деп хабарлайды zakon.kz.
"Алматы қаласының бас мемлекеттік санитарлық дәрігерінің шешіміне өзгерістер енгізу туралы" Алматы қаласы Бас мемлекеттік санитарлық дәрігерінің 2020 жылғы 15 маусымдағы № 40 бұйрығына сәйкес ХҚКО азаматтарды таңғы сағат 10-00-ден кешкі 16.00-ге дейін қабылдайды.
Осыған байланысты, Алматы қаласының халыққа қызмет көрсету бөлімдерінің қызметіне сағат 15.30-ға дейін кезекке тапсырыс беру қажет. Кейін брондау жарамсыз деп танылады. Мемлекеттік қызметтерді алуға байланысты қиындықтар мен сұрақтар туындаған жағдайда азаматтар 1414 бірыңғай байланыс орталығына ұялы және қалалық телефоннан хабарласа алады. Қоңырау шалу тегін, делінген Азаматтарға арналған Үкімет хабарламасында.
