Маңғыстау облысында 1952 жылғы Жаңаөзен қаласының тұрғыны коронавирустан қайтыс болды. Бұл - осы өңірде КВИ бойынша тіркеліп отырған үшінші кісі өлімі, деп хабарлайды zakon.kz.
Бұл туралы Маңғыстау облыстық Қоғамдық байланыс орталығы хабарлады.
Ер адам өзін әлсіз сезініп, дене қызуы көтерілгендіктен медициналық көмекке жүгінген.
Маңғыстау облыстық Қоғамдық байланыс орталығының хабарлауынша, Жаңаөзен қалалық көп профилді ауруханасында пандемия басталғалы бері 60 адам коронавирус ауруынан емделіп, айыққан. 21 маусымдағы жағдай бойынша, Жаңаөзен қалалық көпсалалы ауруханасының жұқпалы аурулар ауруханасында 9 науқас коронавирустан емделіп жатыр. Олардың екеуінің жағдайы ауыр, ал жеті науқастың жағдайы - орташа.