ҚР Премьер-министрі Асқар Мамин кәсіпкер Тимур Құлыбаевқа анасының қайтыс болуына байланысты көңіл айтты, деп хабарлайды zakon.kz.
Бүгін - 22 маусымда Тимур Құлыбаевтың анасының қайтыс болғаны туралы белгілі болды. Осыған байланысты Қазақстан Премьер-министрі оған көңіл айтты.
Құрметті Тимур Асқарұлы!Орны толмас ауыр қайғыға душар болуыңызға – аяулы анаңыз Раиса Алдабергенқызының өмірден өтуіне орай қатты қайғырып көңiл айтамын.
Әулеттің құты, шаңырақтың алтын діңгегі, босағаның бағы – Ананы жоғалту әркімге де ауыр.
Осынау қиын сәтте қайғыларыңызды бөлiсемiн.
Марқұмның жатқан жері жайлы, жаны жәннатта болсын, - деді Асқар Мамин.
Раиса Құлыбаева 82 жасында дүниеден озды.
Тимур Құлыбаев - қазақстандық кәсіпкер және белгілі қоғам қайраткері, "Атамекен" Ұлттық кәсіпкерлер палатасы төралқасының төрағасы, Қазақстан мұнай-газ және энергетика кешені - KAZENERGY қауымдастығының төрағасы, ҚР Ұлттық Олимпиада комитетінің президенті.