ҚР Денсаулық сақтау министрі Алексей Цой жұмыс орнында КВИ жұқтырғаны үшін қанша медицина қызметкеріне өтемақы төленетінін айтты, деп хабарлайды zakon.kz.
- Біз аймақтардан тізімдерді алып, оны Еңбек және халықты әлеуметтік қорғау министрлігіне жолдадық. Қазіргі уақытта медициналық қызметкерлер арасында коронавирус инфекциясын тікелей жұмыс орнында жұқтырудың 123 расталған жағдайы тіркелді, ал өлім саны - 59, бұл жайт қазір Еңбек және халықты әлеуметтік қорғау министрлігі деңгейінде қаралуда, - деді Алексей Цой ОКҚ-да өткен брифингте.
Ол төлемдер Мемлекеттік әлеуметтік сақтандыру қорының есебінен төленетінін айтты.
- Біздің министрліктің міндеті - тізімдерді жинап, оларды Еңбек министрлігіне беру, - деді Цой.