Польшаның Тұтынушылар және бәсекелестікті қорғау басқармасы "Солтүстік ағын-2" жобасы бойынша мәлімет беруден бас тартқаны үшін "Газпромға" айыппұл салды, деп хабарлайды zakon.kz centralasian.org-ке сілтеме жасап.
Айыппұл көлемі 213 миллион злотый және 50 миллион еуро.
Ақпаратқа қарағанда, "Газпром" Nord Stream 2 еншілес компаниясы мен газ құрылысын қаржыландырған еуропалық компаниялар арасындағы келісімдер жөнінде мәлімет беруден бас тартқан.
Польшаның монополияға қарсы мекемесі алты еуропалық компанияны, оның ішінде "Газпромды" Польша атынан рұқсатсыз консорциум түзді деп айыптап жатыр. Осыған дейін дәл осындай фактімен франциялық Engie компаниясына да айыппұл салған.
"Газпром" әзірге Польша шешіміне түсініктеме бермеді.
Формалды түрде "Түндік ағын-2" жобасын консорциум емес, еуропалық компаниялардан несие алған, "Газпром" бақылауындағы компания салып жатыр. Бірақ Варшава мәселе монополияға қарсы заңдарды бұзып жатқан консорциум жөнінде болып жатқанын айтады.
Польша бірқатар еуропалық елдер сияқты "Түндік ағын-2” жобасына қарсы. Олар мұны Ресей Еуроодақа және Украинаға саяси басымдық көрсетуге әрекет етіп жатыр деп есептейді.