Түркияның Денсаулық сақтау министрлігі ел курорттарында коронавирус инфекцияның өршуі туралы хабарламаны жоққа шығарды, деп хабарлайды zakon.kz ТАСС-қа сілтеме жасап.
- Түркияның курорттық аймақтарында коронавирустың өршуі туралы сөз жоқ. Ауру санының өсуі тек Анкара, Диярбакыр, Газиантеп, Кония және Ыстамбұлда байқалды, деп хабарлайды Денсаулық сақтау министрлігі.
Бұған дейін Ресейдің бірқатар бұқаралық ақпарат құралдары Түркияның курорттық аймақтарында коронавирустың өршуі туралы Түркияның денсаулық сақтау министрі Фахреттин Кожидің мәлімдемесіне сілтеме жасай отырып хабарлады. Бірақ іс жүзінде Түркияның денсаулық сақтау министрі коронавирус ауруы жалпы ел бойынша статистикасын келтіріпті. Министр оны өткен аптада болған айт мерекесінің салдарымен байланыстырып, оның алдын алу қажеттігін айтқан.