Денсаулық сақтау министрлігі жалған хабарламалардың тағы бір легін жоққа шығарды, деп хабарлайды zakon.kz.
Бұл жолы әлеуметтік желілер мен WhatsAp арқылы, алдымен, суды улап жатқаны, одан соң вирусолог-дәрігерлер жаппай арнайы қонақ үйлерге орналастырылып жатқаны жайлы, ақыры ауруханаларда емдеу және жансақтау бөліміне балаларды қабылдау үшін арнайы хаттама дайындалып жатқандығы туралы түрлі сыбыс-хабарламалар тарады.
Денсаулық сақтау министрлігі бұл хабарламалардың барлығына жауап бере отырып, азаматтарды мұндай арандатушылықтарға ермеуге және мемлекеттік органдардың ресми ақпарат көздерінде жарияланған ақпаратты оқып, соған сенуге шақырды.
- Денсаулық сақтау министрлігі азаматтарға барлық қабылданған шешімдер туралы, соның ішінде бас санитарлық дәрігердің жаңа шешімдері және коронавирус инфекциясы бар науқастарды емдеу хаттамаларына енгізілген өзгерістер бірден көпшілікке дереу арада жария етілетінін хабарлайды. Бұл - ақпараттың бәрі қалың бұқараға қолжетімді, делінген ҚР Денсаулық сақтау министрлігінің хабарламасында.
Тақырыпқа орай: "Балалардың төсегін көптеп әкеліп жатыр". Оралдықтарды тағы бір хабарлама дүрліктірді
Тағы да: Желіде телеарналардың өшірілуін 5G-ді енгізумен байланыстырған сыбыс тарауда
