Білім және ғылым министрі Асхат Аймағамбетов министрлікке қарасты жоғары оқу орындары оқытушыларының жалақысы көтерілетінін айтты, деп хабарлайды zakon.kz.
Ол 2011 жылдан бастап бірінші рет елімізде білім беру гранттарының құны өскенін атап өтті.
- Бұл жоғары білім беретін мұғалімдердің жалақысын көтеруге мүмкіндік береді. Осыған дейін нұсқаулар бергенбіз. Шешім енді қабылданды. 1 қыркүйектен бастап Білім және ғылым министрлігіне қарасты жоғары оқу орындары оқытушыларының жалақысы орта есеппен 25 пайызға көтеріледі, - деді ол.