Қазақстан Республикасы Президенті жанындағы Реформалар жөніндегі жоғарғы кеңестің құрамы бекітілді, деп хабарлайды zakon.kz.
Оның құрамына:
Қасым-Жомарт Тоқаев - Қазақстан Республикасының Президенті, төрағасы;
Сэр Сума Чакрабарти - төрағаның орынбасары;
Жоғары кеңес мүшелері:
Асқар Мамин - Қазақстан Республикасының Премьер-министрі;
Ерлан Қошанов - Қазақстан Республикасы Президенті Әкімшілігінің басшысы;
Ерболат Досаев - Қазақстан Республикасы Ұлттық банктің төрағасы;
Қайрат Келімбетов - Қазақстан Республикасы Стратегиялық жоспарлау және реформалар агенттігінің төрағасы;
Мадина Әбілқасымова - Қазақстан Республикасы Қаржы нарығын дамыту және реттеу агенттігінің төрағасы;
Әсет Исекешев - Президенттің көмекшісі - Қазақстан Республикасы Қауіпсіздік Кеңесінің хатшысы;
Тимур Сүлейменов - Қазақстан Республикасы Президенті Әкімшілігі басшысының орынбасары;
Тимур Құлыбаев - "Атамекен" Ұлттық кәсіпкерлер палатасы төралқасының төрағасы енді.
Реформалар жөніндегі жоғарғы кеңес Қазақстан Республикасы Президенті жанынан елдің тұрақты дамуын стратегиялық жоспарлау мақсатында құрылды.
Президент биылғы жылдың 1 қыркүйегіндегі Қазақстан халқына Жолдауында экономикалық, өндірістік, қаржылық, әлеуметтік және басқа салаларда түбегейлі реформалар жүргізу бойынша бірқатар міндеттер қойды. Бұл мәселеде жаңа Стратегиялық жоспарлау және реформалар агенттігіне маңызды жауапкершілік жүктелетін болады.