Ақтөбе облысы әкімінің бұрынғы орынбасары Руслан Мамунов 12 жылға бас бостандығынан айырылды, деп хабарлайды zakon.kz.
"Наша газета" басылымы "Нұр-Сұлтан қалалық соты Руслан Мамуновты Қостанайдың экс-әкімі Ахмедбек Ахметжановтың туыстарынан 1,2 миллион доллар ақшаны заңсыз алғаны үшін кінәлі деп танылды" деп жазады.
Мамунов бұл ақшаны 2016 жылы өте ірі мөлшерде пара алғаны үшін сотталған Ахметжановқа қатысты жазаны жеңілдетуді келісіп беремін деп алғаны атап өтілді. Алайда, Мамунов Қостанайдың экс-әкімінің әйелі мен ағасы берген бұл ақшаны екі Lexus көлігі мен Нұр-Сұлтаннан екі бөлмелі пәтер алуға жұмсаған.
Нәтижесінде, бүгін, 30 қыркүйекте сот оны кінәлі деп танып, орташа қауіпсіз колонияда 12 жылын өткізу үшін бас бостандығынан айырды. Сонымен қатар, сот екі көлік пен екі бөлмелі пәтерді тәркілеу туралы шешім шығарды.
Руслан Мамунов 2019 жылдың қарашасында Ақтөбе облысы әкімінің орынбасары болды. Бұған дейін ол "Ақтөбе" ӘКК" ҰК басқарма төрағасы болған және коммерциялық құрылымдарда басшылық қызметтер атқарған. 2020 жылдың ақпан айының соңында Интернетте шенеуніктің ірі көлемде пара алу үшін ұсталғаны туралы қауесет пайда болды, ол оны жоққа шығаруға тырысты.
