Ақтөбе облысының Тауарлар мен қызмет сапасы және қауіпсіздігін бақылау комитеті Ішкі істер министрінің осы облыста блок-бекет қойылғаны туралы ақпаратқа түсініктеме берді, деп хабарлайды zakon.kz.
Ақтөбе облысының аумағында блок-бекеттер қойылған жоқ. Ақпан айынан бастап Ресей Федерациясымен шекарада Мәртөк ауданының "Жайсаң", Қарғалы ауданындағы "Әлімбет" санитарлық-карантиндік пункттері жұмыс істейді, - делінген хабарламада.
30 қыркүйекте таңертең Ерлан Тұрғымбаев еліміздің екі облысында блок-бекеттер мен санитарлық посттар орнатылғанын айтты. Кейінірек Атырау облысында министр айтқан блок-бекеттің Теңізде наурыз айынан бері орнатылғаны анықталды.