Шетелден келген алты жолаушыға коронавирус диагнозы қойылды, деп хабарлайды zakon.kz.
Көліктегі бас мемлекеттік санитарлық дәрігер Сәдуақас Байғабылов халықаралық рейстерден түскен қазақстандықтарда COVID-19 диагнозы расталғаны қанша екенін айтты.
- 6-12 қазан аралығында халықаралық рейстермен елімізге 14 578 жолаушы келді, оның 11 966-сында (82%) ПТР анықтама қағазы болған, 2 596 жолаушы мұндай тиісті құжат болмаған, сондықтан олар екі күнге карантинге алынды. Тест алынған 2 596 адамның ішінде әртүрлі рейстермен әрқалай күні келген тек 6 қазақстандыққа коронавирус диагнозы қойылды, - деді Байғабылов.
Оның ішінде: үш жолаушы Алматыдан (10 және 12 қазан), біреуі Нұр-Сұлтаннан(9 қазан) және екеуі Шымкенттен (11 қазан) анықталды. Қазақстандықтар Нұр-Сұлтанға Мәскеуден, Шымкентке - Түркиядан, Алматыға - Түркия мен Дубайдан ұшып келген.
Инфекция ошақтарында эпидемияға қарсы шаралар қолданылады. Вирус жұқтырған адамдармен байланыс шеңбері анықталды.