Нұр-Сұлтан әуежайынан қашып кеткен ерлі-зайыптылардың коронавирусқа байланысты тапсырған ПТР-тест нәтижесі белгілі болды, деп хабарлайды zakon.kz.
Көліктегі бас санитарлық дәрігер Сәдуақас Байғабыловтың айтуынша, екеуінің де ПТР-тест сараптамасы КВИ диагнозын растамады.
23 қазанда Мысырдан ұшып келген Нұр-Сұлтанның екі тұрғыны әуежайдан қашып кетті. Кейінірек қашқан адамдардың ерлі-зайыптылар екендігі белгілі болды. Олардың бірі - ҚР Индустрия және инфрақұрылымды дамыту министрлігінің қызметкері. Министрлік бұл жайтқа байланысты тексеру жүргізіліп жатқанын хабарлады.