Egov.kz сайтының жұмысы қалпына келтірілді, деп хабарлайды zakon.kz.
"Ұлттық ақпараттық технологиялар" АҚ Egov.kz электронды үкімет веб-сайты қалыпты режимде жұмысқа қайта кіріскенін, барлық функциялар қолданушыларға сағат 13.13-тен бастап қолжетімді екенін хабарлады.
16 қарашада таңертең қазақстандықтар сайт арқылы электрондық мемлекеттік қызметтерге қол жеткізе алмай қалды. Сонымен бірге, "ҰАТ" АҚ қызметтерді eGov мобильді қосымшасы арқылы немесе әлеуметтік желілердегі чат-боттар арқылы алуға болатындығын хабарлады (facebook, ВКонтакте). Электронды үкіметтің Телеграм-боты да жұмысын жалғастыруда.