Қазақстанда пневмонияға шалдығушылардың саны артып келеді, деп хабарлайды zakon.kz.
Өткен тәулікте коронавирус инфекциясының белгілері бар пневмонияның 268 жағдайы тіркеліп, одан 85 адам емделіп, сауығып кетті.
1 тамыздан бастап мынандай деректер тіркелді: коронавирус инфекциясының белгілері бар пневмонияның 40 488 жағдайы, одан қайтыс болған науқастар саны - 421, емделіп, жазылғандары - 29 719.
Қазақстанда коронавирус инфекциясынан өлім-жітім артып барады. Бір тәулікте коронавирустан жеті адам, пневмониядан бір адам қайтыс болды.
Қазіргі уақытта 9 541 адам коронавирус инфекциясынан ем-дом алуда, оның 468-і - балалар. Ауруханаларда 2 911 науқас, ал амбулаториялық жағдайда 6 550 науқас емделіп жатыр. 227 адамның жағдайы ауыр, 24-інің денсаулығы өте ауыр деп бағаланады, 22 науқас жасанды тыныс алу аппаратына қосылған, деп хабарлайды ҚР ДСМ.
