Сәдуақас Байғабылов Алматы қаласының бас санитарлық дәрігерінің орынбасары болып тағайындалды, деп хабарлайды zakon.kz.
Бүгіннен бастап Алматы қаласы санитарлық-эпидемиологиялық бақылау департаменті бастығының орынбасары болып тағайындалдым, - деді ол.
Бұған дейін ол ҚР Көліктегі бас санитарлық дәрігері қызметін атқарған.
Ол 2019 жылы қарашада Нұр-Сұлтан қаласының бас санитарлық қызметінен босатылды. Ал 2020 жылдың қаңтарында оның ҚР ДСМ Тауарлар мен қызметтердің сапасын бақылау және қауіпсіздік департаментінің бастығы - Көліктегі бас мемлекеттік санитарлық дәрігер болып бекітілгені белгілі болды. Осы жылы 13 шілдеде Атырау облыстық бас санитарлық қызметіне тағайындалды, алайда екі аптадан кейін ол бұрынғы Көліктегі бас мемлекеттік санитарлық дәрігер қызметіне оралған еді.
