Адамзаттың COVID-19 коронавирусын толық жеңуі үшін Жердегі барлық адамдардың кем дегенде 70% -ына қарсы вакцинация қажет. Бұл қашан мүмкін болатынын Асфендияров атындағы ҚазҰМУ-дің иммунология кафедрасының меңгерушісі Эльмира Битанова айтты, деп хабарлайды zakon.kz.
Дүниежүзілік денсаулық сақтау ұйымы алғашқы ресми тіркелген вакцинаны өндірісі келесі жылдың ортасынан бастап қолға алу мүмкін болады деп саналады. Демек, Жер бетіндегі адамдарды жаппай вакцинациялау келесі жылдың ортасында мүмкін болады деп күтіледі.
- ДДҰ-ның келесі жылдың ортасынан бастап екпені біртіндеп қолға алғалы жатқаны туралы жоспарын естігенмін. Менің ойымша, біз әлемдік процестерге қатысатын мемлекет болғандықтан, бұл бізде де шартты түрде келесі жылдың ортасында екпе салына бастайды деген сөз. Ал вакцина кімге кері әсерін беруі мүмкін, ол жағы әлі зерттеліп жатыр. Оны өндірушілер вакцина жасауға болмайтын адамдардың нақты тізімін береді деп ойлаймын, - деді Эльмира Битанова.
Қазіргі уақытта бүкіл әлем ғалымдары 40 мыңнан астам еріктілерге коронавирусқа қарсы 150-ден аса түрлі вакциналарды сынап жатыр, олардың үштен бір бөлігі психологиялық аспектілерді зерттеу үшін плацебо алды, қалғандары COVID-19-дан қорғайтын нақты препарат алды. Қазақстанда вакциналардың екі түрі жасалуда, қазір олар клиникаға дейінгі сынақ кезеңінде.
Көпшілік коронавирусқа қарсы вакцина инфекцияны жұқтырады деп қорқады, ондай ештеңе жоқ. Қазіргі кезде осы саланың көшбасшылары бұл вакциналарды жасап жатыр, онда вирус туралы жасанды ақпараты салынған. Сондықтан бұл вакциналар коронавирусты жұқтыра алмайды, - деді ҚазҰМУ профессоры.