ПТР-анықтамасы болмаған, Ыстамбұлдан ұшып келген екі қазақстандықта COVID-19 анықталды, деп хабарлайды zakon.kz.
Санитарлық-эпидемиологиялық бақылау комитетінің хабарлауынша, 19 желтоқсанда Қазақстанға Германия, Швейцария, Египет, Түркия, БАӘ, Ресей, Беларусь, Қырғызстан және Өзбекстаннан 18 халықаралық рейстегі ұшақ қонды.
2 008 әуе жолаушыларының ішінде 1 771 адамда ПТР-анықтама қағазы болды, ал Қазақстан Республикасының 237 азаматында мұндай құжат болмаған.
Атап айтқанда:
- Алматы әуежайы шетелден 13 рейс, 1 331 жолаушы қабылдады, ПТР-анықтамасы барлар - 1183, жоқтар - 148;
- Нұр-Сұлтан әуежайы шетелден 4 рейс, 499 жолаушы қабылдады, ПТР-анықтамасы барлар - 438, жоқтар - 61;
- Қостанай әуежайы шетелден 1 рейс, 178 жолаушы қабылдады, ПТР-анықтамасы барлар - 150, жоқтар - 28.
Сертификатсыз келген Қазақстан азаматтары ПТР талдау әдісін қолдана отырып, COVID-19 сынағынан өтті және олардың нәтижелері шыққанша карантиндік ауруханада жатты.
Ыстамбұл-Нұр-Сұлтан рейсімен келген екі қазақстандыққа коронавирус инфекциясы диагнозы қойылды.