Екі күннен бері Қазақстанда ешбір өңір "қызыл" аймақта болмады, деп хабарлайды zakon.kz.
2021 жылғы 5 қаңтардағы Қазақстан аймақтарындағы эпидемиологиялық жағдайды бағалау матрицасына сәйкес, "қызыл" аймаққа бір де бір өңір жатқызылмаған. Дәл осындай жағдай 4 қаңтарда да байқалды.
КВИ-дің таралуы бойынша "сары" аймақта: Алматы мен Нұр-Сұлтан қалалары, Солтүстік Қазақстан облысы, Ақмола, Павлодар, Қостанай және Атырау облыстары.
Қалған өңірлер "жасыл" аймақта болып саналады.
5 қаңтарда Қазақстан Республикасында коронавирус инфекциясының 723 жаңа жағдайы анықталды.