ҚР Сыбайлас жемқорлыққа қарсы іс-қимыл Агенттігі Төрағасы Алик Шпекбаевтың бұйрығымен Төраға кеңесшісінің лауазымына Жазира Жақсылыққызы Жылқышиева тағайындалды, деп хабарлайды zakon.kz.
Бұл лауазымға дейін ол Агенттіктің Нұр-Сұлтан қаласы бойынша департаменті басшысының бірінші орынбасары қызметінде болды. Бірінші санатты біліктілік сыныбы бар.
Жазира Жылқышиеваның мемлекеттік басқару органдарында тәжірибесі мол. Облыстық жұмыспен қамту және әлеуметтік қорғау, ішкі саясат басқармаларында, Қызылорда облысы және Нұр-Сұлтан қаласы бойынша Мемлекеттік қызмет және сыбайлас жемқорлыққа қарсы іс-қимыл департаменттерінің басшысы лауазымдарын атқарды.
"Құрмет" орденімен, "Құқық тәртібін қамтамасыз етуге қосқан үлесі үшін", "Әлеуметтік-еңбек саласының үздігі" ведомстволық және бірнеше мерейтойлық медальдармен марапатталған.