Ауа-райының қолайсыздығына байланысты Нұр-Сұлтан әуежайында 16 рейстің ұшу уақыты кейінге шегерілді, деп хабарлайды zakon.kz.
Ауа-райының қолайсыздығына байланысты бірнеше рейстің ұшу уақыты кейінге шегерілді. Атап айтқанда, Нұр-Сұлтаннан шығатын 6 рейс және Нұр-Сұлтанға келетін 10 рейс. Қосымша ақпарат алу үшін әуежайдың ақпарат бөліміне немесе әуе компанияның байланыс орталығына хабарласыңыздар, делінген әуежайдың сайтында.
Синоптиктер 10 наурызда Нұр-Сұлтанда қар аралас жаңбыр жауады деп болжады.
Қалада жауын-шашын жауып, көктайғақ болып жатыр. Екінші ауысымдағы бастауыш мектеп оқушылары қашықтықтан оқуға босатылды.